Një hap i rëndësishëm për komunitetin mjekësor shqiptar në Shtetet e Bashkuara të Amerikës u shënua këtë javë me themelimin zyrtar të degës së Federatës së Mjekëve Shqiptarë në Europë – AMFE-USA. Ceremonia u mbajt pranë selisë qendrore të shoqatës historike kulturore-atdhetare “Vatra” në New York, e cila priti ngjarjen me nderim dhe mbështetje të plotë.
Në emër të Vatrës, z. Marjan Cubi dhe z. Sokol Paja përgëzuan krijimin e degës së re dhe shprehën mbështetjen e tyre të palëkundur për misionin profesional dhe atdhetar të AMFE-USA.
Kryesia e Zgjedhur e AMFE-USA
Struktura drejtuese e degës së re përbëhet nga profesionistë të shquar të mjekësisë:
- Dr. Zana Nikolla – Kryetare
- Dr. Ermal Zatriqi – Nënkryetar
- Dr. Shpresa Xhakli – Nënkryetare
Anëtarë të Bordit:
- Renina Varfaj – Koordinatore e marrëdhënieve me publikun
- Dr. Fatjona Lubonja – Koordinatore e kërkimeve shkencore
- Dr. Leana Sapunxhiu – Koordinatore e projekteve vullnetare
- Dr. Arjan Bregu – Koordinator i të dhënave epidemiologjike
- Dr. Lydra Tapia, Dr. Skender Murtezani, Dr. Tana Bregu – Koordinatorë të eventeve
mjekësore
- Olsi Beçi – Koordinator mediatik
Mbështetje Ndërkombëtare dhe Roli Shkencor
Presidentja e Federatës së Mjekëve Shqiptarë në Europë, Dr. Aurora Dollenberg, përshëndeti themelimin e degës AMFE-USA dhe përgëzoi kryesinë e sapozgjedhur për nisjen e një pune me vlera të mëdha profesionale, shkencore dhe kombëtare.
Në kuadër të Konferencës së 25-të Ndërkombëtare mbi “Sepsis dhe Infeksionet Jetëkërcënuese”, të organizuar në bashkëpunim me shoqatën simotër Albanian American Medical Society, Inc., AMFE-USA dha kontribut të vlefshëm me referenca shkencore dhe aktivitete sensibilizuese për parandalimin e infeksioneve dhe ndërgjegjësimin kundër abuzimit me antibiotikët në komunitetin shqiptar.
Pjesëmarrje dhe Solidaritet Mbarëkombëtar
Ngjarja u përkrah nga bordi ndërkombëtar i AMFE dhe nga përfaqësues të ardhur enkas në New York nga degë të tjera të Federatës:
- Nga AMFE-Suedi: Nënkryetarja Dr. Dhurata Alla
- Nga AMFE-Angli: Dr. Blerta Sulaj
- Nga AMFE-Shqipëri: Dr. Vjola Fera, Marinale Sema
Mjekësia Shqiptare në Diasporë – Një Shtyllë e Fortë për përparimin shëndetësor
Me moton “We make Medicine”, Federata e Mjekëve Shqiptarë në Europë vijon të zgjerojë rrjetin dhe ndikimin e saj në diasporë, duke forcuar lidhjet profesionale, shkencore dhe kombëtare mes mjekëve shqiptarë anembanë globit.
Burimi: diasporashqiptare.al
